قبس من خصائص الشعب المتدين بطبعه

من مَساخِر الشعب المتدين بطبعه:

1- إنك لما تشغل قرآن و حد يتصل بيك و يسمع القرآن يسألك:
هو فيه حد مات و لاّ ايه؟؟

2- المصحف موجود في العربية و في البيت للبركة.

3- القرآن يشتغل في البيت يوم الجمعة الصبح لحد وقت الصلاة و معاه بخور.

4- القلب الأبيض و العمار بين الواحد و ربنا أهم بكتير جداً من الصلاة.

5- ممكن يصلّي ورا ملتحي في المسجد "إن دخله" بس لو الملتحي ده صحح له أي حاجة بيقولها أو يعملها يتحوِّل و يقوله ديننا جميل ما فيهوش الكلام، ما تعقدوهاش .. الدين يسر.

6- الحشيش صديق الإنسان.

7- اليمين الغموس من مقتضيات الحياة العصرية.

8- الكذب له رجلين و ايدين و زلومة كمان.

9- سب الدين و الشتائم بالأم من أصول المعاملات.

10- دفع الضرائب للدولة يُعفي من ايتاء الزكاة.

11- البحث عن أي أي مُسوِّغ أو رأي مرجوح للتملص من حُكم شرعي فرض عين.

تلك عشرة كاملة و زدناها وتراً.